طلال العبدالعزيز الرشيد

تبقى ( طلال الحب ) ما دمت حيّه إن مات حرف الشعْر والا تذمّر(مرثيات الجزء الثالث)

2008/7/10 .. رابط

في كل جانب صوتٌ ناضح بـ " حُزن " ..
وفي كل وجهٍ ملامحُ غارقةٌ بـ " دمع " ..

هذه قصيده للشاعر خليل الشبرمي بطلال الرشيد- رحمه الله

عم حزنٍ عظيم رجال كـل القبايـل
................وفرحة العيد ماتت مع طلال الرشيد
وحل خطبٍ جلل برجال وجبال حايل
................والسناعيس شمر من قريب وبعيـد
أحسن الله عزاهم في عريب السلايل
................من كسب كل طيـب وعلـمٍ حميـد
مِرثُ الجود كسَاب الثنـا والجمايـل
................والنواميس والطولات عوق العضيد
ونسأل اللي اليا من سٍيل مارد سايل
................ونطلب الواحد المعبـود رب العبيـد
جعله لجنة الفردوس ذرب الفعايـل
................بين ظل ظليل وبيـن طلـح نضيـد
واحسن الله عزا كل العرب والحمايل
................واخ وام وحرم وارحام وابنا الفقيـد
والوزن والقوافي والوفـا والنفايـل
................واخوياه (وفواصل) وامسيات القصيد
والقلم والورق وطيور واف الخصاي
................والكرم والشجاعه والمقال السديـد
وانتْ وأنتِ وأنا ورجال كل القبايـل
................أحسن الله عزانا في طـلال الرشيـد
الله يرحم طلال الرشيد ويرزقه الفردوس الأعلى من الجنه
.
.

للشاعر بشير اللويش

انـا اشهـد انـه يالطنـايـا فقـيـده .. موتة طلال الضيغمي عرب الانساب
انـا اشهـد انـه يالطنـايـا فقـيـده
...........موتة طلال الضيغمي عرب الانسـاب
ولاينفقـد بالوقـت كــود الولـيـده
...............والا الـردي ماينفقـد بيـن الاقـراب
عـزوا بعضكـم بالليـال الشـديـده
..............وعزوا الشعر والجود واللي بالاصلاب
وعزوا المراجل والخصـال الحميـده
................وعزوا الصقر والصيد واقـلام كتّـاب
وعزوا الوفا واهل الـدروب السديـده
.........وعزوا النوايا البيض بقلوب الاحبـاب
يكفـي جنابـه بالنـفـوس الزهـيـده
...........مالك غلاهـا عنـد فتـلات الاشنـاب
قـرمٍ تربـى والطنـا فـي وريــده
...........من روس قومٍ ماطلـع فيهـم غـراب
حـرٍ جـرودي والمـزايـا عـديـده
..........صيته علم مابيـن ربعـه والاجنـاب
يالله عسـى مثـواه جـنـه فـريـده
............مع النبي الهاشمي هـو والاصحـاب
وانـا اشهـد انـه يالطنايـا فقـيـده
.............جتـه المنايـا وانقفـل دونـه البـاب
.

.

مرت ثلاث اعوام ومرت الدموع تجري كالشلالات
مرت ومرمعها شريط الذكريات ..
وهنا أقول فيها ..؟؟
راحت ثلاث اعوام حزن ورثيه
راحت كما ريح الشمال المغبه
ليت المنيه تنعطى وأعطي منيه
للي بكت عيني وصبت مصّبه
طلال اللي وقفـته ماهي رديه
وقت المواقف تنحني كل هبه
حاولت انسي القلب لكن عيه
ياكود بالــي تشغله كـل سبه
واذكر قصيدن يذكره كل جيه
بّكى قصايد قــالها اهل جبه
خلو طلال الـــيوم موته بديه
يابنت راح اللــي قصيدة تغبه
راحت ثلاث اعوام تحكي وصيه
راحت وخلت حبرها كلمة أحبه

بسم الله الحمن الرحيم

ثالث حول لشاعر الظاهر الزبن

:طلال:

رحمك الله واسكنك فسيح جناتة

أمين

اهازيج شمر
قلبي على (الملتاع) بالحيل مليوع
............عقب الفرح بالعيد بقعاء تلوعه
من كثر ما هو بالخبر صار مفجوع
............(رابع ليال العيد) يطفي شموعه
قالوا (طلال) أقفى مسافر بلا رجوع
,,,,,,,,,,,, في دربْ من لا ينترجاء رجوعه
حسيت ؛ كن القلب يرجف بلا ضلوع
................ أو إنها؛ بدت تفتَّح ؛ ضلوعه
بالغدر ؛ أشوفه (معنى الإنسان) مصروع
.............من غير ما يوجد بمعناه (نوعه)
ملعون ؛ يا ( الغداار) بالرعب والروع
............الله ؛ يقْطع كل نفسٍ ؛ قطوعه
واللي على (الفقيد)ذقناه (قرطوع)
..............عسى (بلا باطي) تجرَّعْ (جروعه)
لكنها (الأقدار).. و(حنا) لها؛ خضوع
............... بأيامها ؛ مهما تجينا فجوعه
لو ؛ إنها الأيام.. تأتي على ؛ الطوع
.......ما نفقد ؛ اللي نادراتٍ (طبوعه)
للجود ؛ بالمرحوم.. والمرجلة ؛ بوع
........... ما غير (أبو نواف) واحدْ يبُوْعه
فيه ؛ التواضع بالوفاء طبعْ مطبوع
.............وفيه ؛ التصرف بالمهمات روعه
بالعرف ؛ والمعروف مثْني ؛ ومرْبوع
..............والخير؛ والإحسان مدْهل ؛ ربوعه
من مثله إنسانٍ مبَجَّلْ ومتْبوع؟!
................في غير (رضى الله) نفسه ؛ قنوعه
يبقى ؛ لنا تاجٍ على الرأس مرفوع
............. و(الشعر) في ذكراه يأتي ؛ بطوعه
ولنا الخلف بأشبال (طلال)مشروع
...............(نواف وأخوانه ) وكامل ؛ فروعه
وعساه ؛ في (طيبا) على أنهار ؛ وزْرُوع
..........بأثمارها ؛ الأشجار تأتي ؛ خضوعه
و(الحور) من حوله مراييع ؛ ورْتوع
................. في رحمتك ( يارب) تلفي ( نْجوعه)
.

.

طلال حي وبيننـا دوم موجـود
.............مادام به نـواف والعضـد حيـا
طلال علمه بالتواريـخ مشـدود
................حتى ولو قفى بقى منـه ضيـا
الضيغمي عدٍ للاجـواد مـارود
...............اي والله انه نـال تـاج الحميـا
هو عزوة اللي تاه ماعنه ناشود
...............النادر الوافـي جميـل المحيـا
عَزَاي به ذكراه جودٍ ولد جـود
..................الصيرمـي عـمٍ وخـالٍ وخيـا
اقفى عن الدنيا وبالقلب لاهـود
..............حسيبه الله من بـدى لـه اذيـا
من مابقلبي من لواهيد ونكـود
..............بيحت سـد وبـان بيَـا الهذيـا
مرحوم ياشيخ حمل سيمة العود
..............طبع الجنايز فيـه طـيٍ وطيـا
حزنه بقلبي لآخر العمر موجـود
................والله فلا انسى منه طيـبٍ اليـا
آهٍ على من هي جزت حلو مرقود
..............امه عسى صبـرٍ لقلبـه يهيـا
عموشه الله يلهمه صبر وارشود
...............والله يعينه مـن فـراق الوفيـا
طلال ماله ثانيٍ صـار موجـود
...............ولاله شبيـه ولاولا منـه زيـا
الله يصبر قلب ملهـود ملهـود
..............ودنيا بليـا الشيـخ علَـه لليـا

.

.

.

مرحوم يامير علمه لفوبه= وهتزت النفس الحزينه بالاكدار
يد الغدر اهل الجزاير شقوبه= افاكة(ن) عاشو على قتل الابرار
تنعاك غلبا عزوتك لاعتزوبه= وتنعاك حجلان الجبل سر وجهار
وتنعاك اشراف العرب والعروبه= رمز الشجاعه والكرم للعرب صار
تاريخ ابيض ناصع لو حكوبه= اهل النفوس الحاقده خباث الاشرار
لو دورو بكتابكم مالقوبه= الا البطوله والشرف يبن الاخيار
وهبت نفسك تنتظر للمثوبه= تسعى وتفرجها بمالك لمن حار
امير ولد امير ماهي كذوبه= الضيغمي حر تسلسل من احرار
ماهو عيبه كانهم اجهلوبه=العيب فيكم ياضعيفين الابصار
امارته ماهي بمال سعوبه= نجم على كل الكواكب والاقطار
ماهي هديه منكم في جيوبه= مستارثينه من قديم بالادوار
اخوان نوره ياعتزو وجهروبه= عمارهم تجلب على كف الاقدار
عدوهم لوهو بعيد(ن) عدوبه = اخوان نوره مرويه كل بتار
من هو يجاري شيوخ شمر دروبه = اللي مكارمهم كما ضو الافنار
اللي لهم بالمجد ساس وطوبه= وخبارهم غطه على كل الاخبار
يالله تغفر مابقى من ذنوبه= ويا لله تبعد ماقفه عن هل النار
ويالله تجعل جنه الخلد صوبه= وتعوضنا من ماكر الحر بحرار
.
.

كم بقى غيرك يسلّي ياطلال..؟؟
...........................كم بقى من المجد..والعز التليد..؟؟
كم بقى يامارثة تال العيال
.............................خلّن اسكت والسوالف ماتفيد..!!
ياللي طيبك بين عم وبين خال
.................................ياللي بعمرك ماعرفت المناقيد
يامير ياللي تستوي بالف رجّال
............................هو يفيد الدمع لو يكتب قصيد..؟؟
ياموت مالي حيله اليوم واحتال
.................................مالي جدا ياكود حرّ التناهيد
هو ليه تاخذ مننا طيب الفال
...............................اللي بفزعاته يعزّ المضاهيد
هذي عيوني منّها الدمع همّال
..............................ماغير اشاهق في مسا رابع العيد
سلمى تهلّ دموعها لاطرف الجال
........................واجا يجاوب دمعته كل صنديد
وهذاك اعيرف بالعزا يرثي الحال
........................يشكي على برزان قصر الاواليد
حتى الشمال لغيبتك ضايق البال
....................وهضاب نجد تحدّر الدمع للبيد
وارض الجزيره شقّت الثوب بالحال
...................من يوم سمعت للخبر صار ترديد
شمّر لموتك حملها حمل الاجبال
.............................من موتة الغيله الى موتة الكيد
الله يرزق روحك العز وظلال
........................في جنان الخلد في رتبة شهيد
والله يصبّر امّك بكل منوال
............................يالضيغمي يالحر يالشهم الفقيد
اطلب الله يغفر لروحك طلال
...........................والعزى باللي بقى من آل الرشيد
.
الشاعر: حمد الضوي

سيف الاسماء له هذه الابيات المؤثره

رحم الله الامير طلال ال رشيد .......
رحم الله الامير الانسان .....
رحم الله طلال وانزل عليه رحمه واسعه ....

اللهم اني اسألك بخير اسمائك
ان تغفر للامير طلال ال رشيد وترحمه ....

طلال ال رشيد ....
واجهة لتاريخ مجيد و غدا افتقد اشراقه ....

انا لله وانا اليه راجعون ....
انا لله وانا اليه راجعون ....
كان على خلق .... لم يعرف التكبر ... والكبرياء .... يسأل عن حوائج الناس
... يساعد من يطلب مساعدته ... لم يتاخر عن احد لا بالمساعده ولا بالنخوه ...
رحمه الله رحمه واسعه ....
فقده مصاب ليس لقبيله ليس لاسرته فحسب
بل مصاب جلل لكل من عرفه عن قرب وخبر تعامله ... ....

...........تنعيك شــمر يا خلي العذاريب =من غرب سلمى الى حدود سـنجار
يالضيغمي ياللي غلب طيبك الطيب =.يابن الكرام الشـمري واف الاشبار
............العين تذرف دمعها كاللواهيب =واوجس بقلبي من خبرهم كما النار
يا عل قــبرٍ فيه بين النواصيب =يسقى من جنان الولي كل مدرار
.............يالضيغمي يا شيب عيني ويا شــيب =قلبٍ غدى مع رابــع العيد منهار
لو خيروني دون فجع المكاتيب =تفداك روحـي مير هذا وما صار
.............يا مكــرم من جاك وقت المواجيب =يا مقري ضيفك يا حامي الجار
انتم اهل من انكروه المعازيب =وانتم وفا وانـتم هل الدار والدار
.............تبقى لنا لــو غيّبك خافي الغيب =ياللي على درب المعالي رقى وســار
يا عل يدينه في حر و كــلا ليب =بنار الجـحيم اللي وقوده من احجار
............اللي غدرك ويا عسى قلبه تـصيب =حسره ويـكون الاخره من هل النار
يالله ترحم والدعاء لاجله تجيب =ترحم طــلال وترفعه الف مقدار
...............في جنه الفردوس جل المطاليب =مثواه يــالله في دار الاخـيار

رحمك الله يا طلال ....

.

.

.

ومن الساحات فهد عافت ينعا فقيدنا الغالي
حين يرحل الكرام ، تلتبس الأمور على أحبابهم ،
وأنا أتلقى هذا الخبر الصاعق لم أجد سوى فهد عافت
وهو يناجي روح صديقه الراحل..

كفو هي مالها إلا واحد ٍ مثلك شديد الباس
........................إلى ضاقت على الحر .. الكريم وخانت .. اظروفه
كفو من أول حدود الأمل لآخر حدود الياس
..........................ولا به ياس دام انك هناك .. ولك بها .. شوفه
ابو نواف ..أبو كل النوايف رافعات الراس
........................ولد عبدالعزيز .. اللي .. حياته .. كانت .. احتوفه
طلال وقبل احدر حاجتي يرقا لها قرناس
.......................كثر عرفه بجهلي شفت انا .. جهله .. بمعروفه
جلس مثل الرضا في قلب من صلى العشا بنعاس
................................وقف مثل العفو هو.. فيه مثله ساعة اوقوفه؟
عزيز ٍ في الحياه ليا صمد ماكن فيه إحساس
..........................ذليلٍ في الصلاة اليا سجد ما قام من خوفه
كريم ٍ والله إنه يستحي من ردت الأنفاس
........................إلى منه عطاها .. للهبوب .. ودت ..الــ جوفه
وش أكتب يالقلم يالمحبرة يالليل يالقرطاس
..................تعزبت .. المعاني .. والمعاني .. كانت .. ضيوفه
كفو .. ماهي كفو اللي صارت لحيْ الله من الناس
.........................كفو للي كفو لو كملوها صارت كفو ..فه
فهد بن عافت الشمري

يرحمك الله أبا نواف
ويجبر عزى كل عين دمعت
وكل قلب خفق حزنا على فراقك.
إنا لله وإنا إليه راجعون.
.
..

ياعيد ما شافت لياليك .. الافراح
...............يومك لفيت بموجعات .. الجراحي
يا عيد وش علمك.. تجينا بالاتراح
..................والرب حطك بهجة ٍ ..وانشراحي؟
ياعيد صيدات المنايا بالاصحاح
................. توجع قلوب الخيرين .. الصحاحي
يا عيد لو طرنا عن الموت بجناح
...............مايخطي المخلاب .. عظم الجناحي
نجزع على فرقا عزيز ٍاليا انزاح
................وتغادر البسمة .. جميع .. النواحي
ماجور يا نواف في فاضل ٍ راح
...................و يجبر عزى حي ٍ خنقه الصياحي
يالضيغمي نبكيك مع كل .. نواح
......................ونجعل لك الدمع المحرم مباحي
(ربيع حائل)
.

.

باكتب من الشعر لين الناس تسمعني
.....................طلال توفى وعفت الشعر والوانه
موته جرحني والمني وروعنـي
.......................ماينبني شعر مهدومه احد اركانه
اثر على حال مشاري ووجعني
...................نويت اخلي جميع الشعر واوزانـه
صديق خلا لي الدنيا وودعني
.......................اقفى وخلالي اشعاري بلا خانه
خــلان ابو نواف اتعذب وعذبنـي
.......................كلاً بيسأل يريد اخبار موثوقه
واللي يجيني بأستغراب يسألني
....................هل صــح قلت البقاء لله سبحانـه
دمعي كما السيل ليت الدمع ينفعني
...................ماعندي اعصاب اشوف اهله وخلانه
صديقي اللي على المعني وما يعني
............ماهو من اللي يبيع عهود صدقانه
ليتـك طلال توحيني وتسمعني
.....................ان القوافي بدونك مالها خانه
ياليتني ماعرفت اسمه ويعرفني
................ولا سهرنا ومعنا اعيون سهرانـه

رحمك الله ياطلال رحمة واسعه

(.....؟........)

للشاعر // نواف نهير العلوي الشمري

قصيدة رثاء بالأمير الشاعر / طلال العبدالعزيز الرشيد الذي وافته المنية

ليلة الجمعة الساعة التاسعة مساءاً ( أسكنه الله فسيح جناته وغفر ذنبه )

الشاعر قائل هذه الأبيات ( نواف نهير العلوي الشمري ) يعزي جميع أهل

الفقيد وأسرة آل رشيد وقبيلة شمر داخل المملكة وخارجها .

( مرحوم بالرحمن يا زكي الأنساب )

مرحوم يا أمير الطنايا والأجناب
.................. يا عل روحك عند رضوان فازه
ياللِّي تعرفك كل عصمان الأشناب
.................... جنازةٍ يا وي والله جنازه
تنعاك شمَّر والعداء هم والأصحاب
....................... أهتز من موتك رواسي عزازه
لا والله ألاَّ نجمنا يابشر غاب
....................... راح الأمل كنه تحطم قزازه
مصاب والله يا عرب حزن ومصاب
....................... مصيبةٍ لو كل شمر تعازه
قلبي كما شمعٍ على صاليٍ ذاب
.................. يا محرَّم العبره ترى اليوم جازه
مرحوم بالرحمن يا زكي الأنساب
................... يا ضد ضدك يا كعامه نحازه
يا ماجد المخلف تعدتك الأسباب
.................وش هالخبر ياليت ما أطروا نشازه
الموت حق ولا لنا عنه مهراب
............. لكن يابو مخلف يا شين إبتزازه
ليته خذا عن شيخنا جمع وأسراب
................ من اللِّي تعبد المال همه كنازه
ليته خذا شيبان وأنصاف وأشباب
...................ياخذ ياما يقول ما فيه عازه
ياليل حايل والجبل ليل ما طاب
................. الليل والأحزان الهم رازه
الضيغمي قفت رحاله بضبضاب
...................... اللِّي يهوز الناس اليوم هازه
الموت يا مشكاي عضه بالأنياب
..................... جابو رفاته بس ويَّا جوازه

للشاعر // نواف نهير العلوي الشمري

وهاتان للرائع ذيب اجا
رحل شيخنا الغالي0رحل فزعة المظيوم
............ رحل طيب السيره0 ألايالعيون ابكيه
رحل وأرتحل عنا00 وانا ادري هو المقسوم
.................... طريق(ن) جميع الناس لابد ماتاتيه
رحل من كسب كل المفاخر " رحل ياقوم"
....................رحل من بكاه الشعر واللي بعد يبديه
رحل وارتحل عنا( طلال الرشيد ) اليوم
.....................ألا يالله اجبر عقب موته حزن مغليه
انا اكتب وانا دمعي على الخد مابه لوم
.................. وانا لابكيت ابكي عزيز(ن) وجب نوفيه

لاتعزون شمر والرشيد عزو الكون كله في طلال

،،

،،

،،

،،

لاتعزون شمر والرشيد
................ عزو الكون كله في طلال
عزو العز00 وحروف القصيد
..................وعزو الهيل مع صفر الدلال
عزواللي لفزعاته يريد
...................وعزو اللي شكاء ظيم الليال
عزو الخيل والحلم0 البعيد
.................... وعزو الغيم00 عزو هالخيال
عزو الليل وسهيل البعيد
................... وعزو ألارض كلها والجبال
عزو الصدق واخلاق الشهيد
...................وعزوالدمع 0يوم الدمع سال
لاتعزون شمر والرشيد
.................. عزو اللي عرف 00منهو طلال
وارث اللي لهم مجد(ن) تليد
...................... معتلين المفاخر والفعال
الجنايز هل الراي السديد
........................مايهابون موت ولا قتال
آه وان قلتها مابه نقيد
.......................آه ويلاه 00 من فرقى طلال
أبو نواف 0 مفراص الحديد
..................... كلنا من رحيله في هيال
أبو نواف مزبان الزهيد
................ من رحيله صرخ كل الشمال
أبو نواف0 وان قلنا فقيد
.................... اشهد انه0 فقيده يارجال
لاتعزون شمر والرشيد
....................عزو الكون كله في طلال

طلال العبدالله الرشيد(العطيب)

علم ً لفانا يــــذهل العقل اذهال
................علم ً لفانا في مسا رابع العيد
قالوا توفى الضيغمي نسل الابطال
....................قالوا توفى واكدوا العلم توكيد
خانت به الايام والوقت ميّال
....................راح يتصيّد والبلا روحة الصيد
جاه القضا والعمر محدود الآجاال
...................جاه القضا والامـــر ما به تراديد
عز ّوا (آجا وسلمى )وعز ّوا به ارجال
....................كــل الطنايا بعد فقــده ملاهيـد
شمـّر بكته وكل من هو وطا الجاال
.....................كلن يهل الدمع من دون تحديد
تبكي طلال الجود باقوااال وافعاال
.........................نسل الرشيد اللي لها الطيب توريد
يروح من هو راح والطيب ما زااال
....................بعروووقهــم والنعم بذيك الاواااااليد
ويبقى طلال ً حي ّما هو ترى اطلاااال
....................يبقــى لنا حي ّ ً وشمعــااااته اتقـيد
يالله عسى الجنه له اليوم منزاال
................يسكن جناان الخلد مع حورها الغيد
وهذه للشاعر ضامي الشوق

وعياد الشمري من منتدى فضاء يقول
وداعاً ارواحنا / طلال الرشيد
(1)
هي محاوله يائسه وناقصه لرثاء فقيد الانسانية والبياض

مؤمن واعرف ان المقادير بالامر
.........والامر امر الله وانا من عبيده
لكن ضلوعي عيّت تبايع الضمر
................بكيت مثل اللي مضيـّع وحيده
ومامرّر عيوني على صالي الجمر
...............إلا خبر موت العزيز الفقيده
فقيد شمر والمباهير والتمر
................طلال بن عبد العزيز الوليده
يوم العطا (مُخـْـبا) طلال العطا عُمر
.................الضيغمي يستلّها من وريده
طلال غامر كفته بالشرف غمر
................واحد ويسوى بالملاقا بديده
عليه حايل شـُمها السمر والحمر
................تبكي وتبكيه الديار البعيده
موته هدم من (شمر) الشامخه أمر
..............(مر) اصبحت واربع جهاته وقيده
ياليت كل ذكرى معه تنطمر طمر
................المشكله من وين مااهرب تعيده
وياالله (بجلفه) راجف ٍ يدْمره دمر
............يجعل عواليها سواااات الجريده
ويارب تفضي روحه لجنة الخمر
.................يسكن بفردوس الوجيه الحميده

اللـــــــون الابيض انتهاء /قولوا اذا بانت سعاد
...............فســتان عـــرسك لونه الابيض زمّنا ساحـــــبه
الـلــــــون الابيض انتهاء من صفحت الدنيا وباد
.................ما باقي الا الوان من احزانها جت شاحـــــــبه
مات البياض ولابقى بعد البياض الا الســــــواد
...................الله يسّود وجــــه من طــــــخ البياض وصاحبه
روّح ابن عبدالعزيز اللي بطــيب ايـــــديه ساد
......................ننحب هــــنا وام الصغــــيرين اليـــتاما ناحبه
انا اشــــــهد ان الموت ياخذ الكريم من العباد .
..................ماهو عـــبث اخــــذ ابن عبدالعزيز وراح بـــه
اللي له القـــلب الرحـــيب اتعـــبته ايامه وعاد
.....................الا طــــلال بألــف قلب من القـــلوب الراحـــبه
حتى رصاص الغدر صاد اطهر على الدنيا فؤاد
...............ثم انــتـــهاء عــمر البياض البارحه مع صاحبه

احمد سويلم الاسحم

جــانا الخبــر بالنشــــره العالميه=قلت اصـبروا قالوا ترى العلم صايب
ياهــل القـلوب اللـي بكم غايريه=أحسـن عـزاكم في جليـل المصـــايب
طـلال اخـو نـــوره وفتــه المنـيه=بأرض الجزايــر لا سـقتها السحايب
غصــبٍ عيونـــي هلت الهاشميه=وينعــاه مثلـي كل طفـــــلٍ وشــــايب
وتنــعاه كل العــــزوه الشـــمريه=ننعــــي مــوارث متعبــين الركـــايب
وارث فخــر هل العــزوم القـويه=نفخر بهم من خلف عـوج النصـايب
اللــي لهم بالوقــت روحـه وجيه=من دور عبدالله عطيـــب الضــرايب
هـم عـــزنا بعصــــورنا الاولــيه=وهـــم منبــع التاريخ حاضر وغايب
الابجــدي وحــروفـه الأبجــــديه=مـاحصــت تــواريـخٍ كبار و عجايب
وأهل الصدور الصـادقة والوفـيه=تحفــظ ســجلاتٍ طوتـــها الهبـــايب
وبعيونــهم نقــرا كلام ووصـــيه=تكاتــفوا ياجـــــا نهـــــار النـــوايـب
وقلـوبهم تحمــل لــكم عاطـــفيه=يأهـل الوفـــا يا مخلصين النشـــايب
وبأذانـهم نســـمع صـهيل العبيه=وكــروش في وقـت التحــام الكتايب
ولســانهم قال القضــا والقضـيه=حـلــت لــو إنــا ما عـرفنا السـبايب
وعقولهم قالت تـرى النـار حيـه=الاصــل واحـــد والنجـــايب نجايب
طــلال راح وباقـــيٍ شــيخ زيـه=عبدالعزيــز اليـا كبـــرن المصــايب
عبدالعزيز ابن الشجاع وسـميه=وســمي أخــو رثعه زعيم الحرايب
هو العوض للعصبه الضـيغميه=فروخ الحرار اللي بروس الجذايب
وختــامها باللهجـــه الحايــــليه=اقــول لك يا عـزوتــي جيـــت نايب
عن شمراهل التضحيه والحميه=واهـل هلا يــوم المراجـــــل نهايب
جيتــك من بـــلاد الكويت العذيه=أحمــل مشـــاعر لابتــي والقرايب
شمر تشـاركك الاسى والسميه=وجميع منهم يلبســــون العصايب
جينــا بــدارأهل النفوس الابيه=ال الســـعود مزبنـــــة كل هــايب
وبالختــم في جــاه الاله ونبيه=إدعــوا معي ياهل القلوب اللبايب
عســى الفقيد لرحمتك يا وليه=أمين يا معطـــي جــزال الوهـايب

الصباح اللي ابتدأ فيه الظـــــــلام =ابتدى واصبح ظـــــــلامه مسـتديم
اوله مقناص ياعـــــــــــــالم حـرام=واخره بالعود في قــــــــبره يقيم
ماستقام الحـــــــظ بعدك ماستقام =والله ان اللي نوى قـــــــتلك سقيم
ماتنــــــــــــام العين بعدك ماتنام = نام حظ المعـــــــــتدي وحـظ اللئيم
ابتدينا العـــــــــيد بأفراح وسلام = واختتمنا العــــــــيد بصياح الحريم
هاجت الحـــــــــــيه ولاشالت ملام = في ضحى الجمعه واغواها الرجيم
بالجزائر اعـــــــــدموا روحه عدام = ياعسى من اعدمه يصلـــى الجحيم
ياطلال اللي على صــــدرك وسام = ياوسام العز يالشــــــــــهم الكريم
ضيغمي ومن سنــــــــاعيس كرام= منتهج نهج الصـــــــــراط المستقيم
طـــــــــــير شلوى يارفيع بالمقام = في فواصل انت عنوان اليتــــــــيم
شيخٍ وشاعر شـــــــــجاعٍ ماتضام =يازعيم الشــــــعر ومن غيرك زعيم
نفتخربك عد من صـــــــــلى وصام = وعد مافي الارض من طــــفلٍ فطيم
نفتخربك دوم يالرجل الهـــــــــمام = نفتــــــــخربك حاضر الوقت وقديم
رحت يالملـــــــــــتاع مافيها كلام = يرحمك واحد أحد ربٍ علــــــــــــيم
الله يصبر خوالك والـــــــــــــعمام = واهلــــــــــك ويجبر عزاهم يارحيم
ندعي المعـــــــــــبود رزاق الانام = يســــــــــــكنك ربي بجنات النعيم
ويحفظ الله مملكتنا من الغــــــمام = ويحفظ الله شعبها من كــــــل ضيم
الصباح اللي ابـــــــتدا فيه الظلام = ابتدى واصـــــــــبح ظلامه مستديم
موتتك يالشـــــــــمري والله حرام = قلتها من قلب والــــــــــــله العظيم

اه ياعظم الخبـر والـي iiيقـال
.................في مسى الجمعه وثالث يوم iiعيد
اشهد انه غاض بي حد iiالهبـال
...................وانذبحت من الوريد الى الوريـد
الله اكبـر ياتهاويـل iiاللـيـال
..................كثر مابك من شقي ومن iiسعيـد
ياااااااا كبر فرقا؟ مثل فرقا طلال
.................ما يعوضها دمـوع ولا iiقصيـد
الكريم الي لمـن جالـه iiظـلال
.......................طيب السيره ذرا الكف الوحيـد
وساعةً نادت بشخصه iiللـزوال
........................هزت العالم كثر ما جـت iiبكيـد
وحركة بالعاصفه صـم iiالجبـال
.....................كثر ما هي هلت اوراق الجريـد
اااااه من فرقا بعلمـه لا iiمحـال
......................واااااه من دنيا به العايش زهيد؟
والله اني ما تحريـت iiالسـوال
................لكن ادري شح حزني وش iiيفيـد
يا الله انك ترحم الشهم iiالـزلال
.................صافي النيـه ! مفيـد iiالمستفيـد
للشاعر/ شرهان الشرهان

نواف مما حل بك لا تذمّر
................رغم ان جرح فراق الأحباب كايد
ما أحدٍ على وجه البسيطه معمّر
...................ولا للبنادم غير ما الله رايد
أبوك ما اللي فاقده بس شمّر
.................طيّب وغالي عند كل البدايد
لعل له بالخلد بيت يعمّر
...................يوم الحساب ويوم جمع الفوايد
وبالله عسى بيوت العرب ما تدّمر
.....................يبقى لها مع الأجيال شايد

الحميد الحربي

حرٍ من شيوخ السناعيس حدد
................وجهة مساره مع نجومٍ مساري
متعليٍ ما هوب نذلٍ يردد
...............أمير جد.. وعد.. ما هو شاري
موتة بطل ما مات غروٍ يهدد
...............لوني بعيد بموتته.. غصب أماري
لو القدر في موتته بس.. مدَّد
...................كان المكارم صايرت له جواري

الشاعر/ زبن اابن عمير

.

.

.

تزلزل ياجبل شمر ترا ما عقب ذيبك ذيب
........... لك الله راح فزعتنا وعزوتنا وغالينا
اميرك يالجبل سافر وخلانا بعلم الغيب
............غدينا ايتام من عقبه عسى الله لا يخلينا
طلال الضيغمي من هو بداله ياعلوم الطيب
.............0عقب رب البشر منهو بداله صار يغنينا
امير صادق وافي بعيد عن علوم العيب
..................ملايين الجنايز فيه؟ لالا ما تكفينا
امير صادق وافي بعيد عن علوم الغيب
...........ملايين الجزاير فيه؟؟ لالا ما تواسينا
تذكر ياجبل شمر كلام الزير عقب كليب
...............الا واشيب عيني كان ما نفزع لوالينا
اميري يابعد حيي لو امدح فيك شاب الشيب
................كفاك انك ملكت امجاد حاضرنا وما ضينا
بكاك اللي سكن حايل وسلمى لك تشق الجيب
.............. بكاك الطفل وام الطفل واولنا وتالينا
بكاك الشعر واهل الشعر واوزانه بلا ترتيب
..................بكاك اللي يبي يخطي عليك وانت حامينا
رحلت ولا بقى غيرك اميري في وطنا ذيب
................عسى الفردوس لك جنه وجارك صار باريبنا
همس القوافي
منتديات اجا

يارصاص الغدر يعني مالقيت الا طـلال
..........................مالقيت الا الكريم اللـيّ تلبّسـه اكرمـه
الكريم اللي سبق غيره من ازحول الرجال
......................الرفيع القدر ابو المـدات يـاالله ترحمـه
دمث الاخلاق بتواضع لافعل فعلـه يقـال
...........................وكل فعلٍ فيه خير بخيـر فعلـه يدحمـه
صيته استوطن شواهيق النجوم ابن الحلال
................فاق حد ادراك من يدخل حجاه ويزهمـه
آه يقسيّ المواجع وآه مـن غـدر الليـال
.....................وياالآهي بالصبـر للـي يحبـه تلهمـه
مات ابو نواف والدنيا نـزولٍ وارتحـال
................والليالي بعـد موتـه موحشـات ومهمـه
فالزمان اللي تساوى به ظهوره والـزوال
................الزمان اللي بياضه طاعنـه دوم ادهمـه
العزا لكل القبايـل والسناعيـس بطـلال
...................فارس الشعر وفقيده مرتفـع دوم اعلمـه
الشاعر متعب الحشيان

ياطلال ابن الرشيد
الشاعر
نواف الشمري
------------

اذرفي ياعين وانزف ياوريـد

واحزني ياارض واركع ياحزن

يوم مات الحاتمي ابن الرشيـد

مالنـا كـود التوجـد يازمـن

والله انك ياطلال اغلـى فقيـد

والله انك للوطن كنت الوطـن

والله ان بموتتك مات القصيـد

كلنا في موتتـك صرنـا كفـن

والله ان بموتتك صرنـا نجيـد

الدموع اللـي تثاقلهـا البـدن

والله ان بموتتك قامـت تزيـد

من بكاها نجد تسمعهـا عـدن

والله ان الخير عقبك مو سعيـد

يذكر ايديك الكريمـه لاعطـن

والله انك كنت سيد ودمت سيد

ولايزال الخير يذكرك بحسـن

يالشديد ابن الشديد ابن الشديـد

يانصيـر ٍ للعبـاد بـلا ثمـن

صادك الموت الغبن وانته تصيد

والغبن انّا نموت مـن الغبـن

لعنبو وقت ٍ ذبحنا مـن جديـد

في زمان من التخلف والفتـن

رحمة الله ياطلال ابن الرشيـد

كلنا لـك ياولـد حاتـم كفـن

رحمك الله ياطلال .. رحمك الله واسكنك جنات النعيم

------------

رثاء لفقيد الجود والشهامة طلال الرشيد

الشاعر
زيدان البلوي

انـــا لــلــه وانـــا الــيــه راجــعـــون

الله بـلــطــفــه يـــاطـــلال يـــتـــولاك"

" الـخـالــق الـغـافــر عـزيــز الـجــلالــي

ويالله عـســى فــي جـنــة الـخـلــد مـثــواك"

" يـالـطـيــب الـنــادر عـريــب الـخــوالــي

وجـعـل الـسـحـاب الـى تـزبــر تـمـثـنــاك "

"ويـمـطـر عـلـى قـبـر(ن) يـضـمـك لـيـالــي

الـنــاس تـبـكــي فـقــد مـثـلــك وشــرواك"

" اهـل الـشـهـامــة كـاسـبـيــن الـمـعـالــي

ويـبـكـي عـلـى فـقـدك صـديــق(ن) تـمـنــاك"

" الـى نـشـب حـبــل الـرشــاء بـالـمـحـالــي

ويـبـكـي عـلـى فـقـدك ضـعـيـف(ن) تـنـصـاك"

" مـالــه صــديــق ولاقــريــب(ن) مــوالــي

لـو الـعـمــر يـفــدى ويـشــرى بـالامــلاك "

"عــزالله انــك يـافــتــى الــجــود غــالــي

وعــزالله ان تـبـطــي مــع الـنــاس ذكـــراك"

"مــادام لاهــل الـطـيــب ذكــر ومـجــالــي

------------

طلال الرشيد.اين انت ياطلال ؟!
الشاعر
عبدالله الدواس

الجزائر / والقنـص / والطيـر / واسـراب الحبـاري...

والـتـذاكـر / والـسـفـر / والـبـعـد / وطـــراد الـطـريـد

والنهـايـه تنتـهـي ياعـزوتـي / فــي طـلـق نـــاري...

وآآآآآآآه مقـسـى مـوتــت اذويـبـان / بـيـديـن البـلـيـد

يـاطــلال الـيــوم والله / لـــو يصـيـحـن الــعــذاري...

ولـــو تـقــوم آل سـعــود / ولـــو تـقــوم آل الـرشـيـد

ولو يجي مليار جندي / ولو يجي الضعف انتحاري...

والله الــلـــي مــايـــردون الـــقـــدر / دون الـــوريـــد

يـاطـلال الـمـوت حــقٍ / وادري انـــك كـنــت داري...

مــن يـجـي الدنـيـا وحـيــدٍ / يـرتـحـل عـنـهـا وحـيــد

والا والله لــك نـقـوم / بـــدر مـــع ذات الـصــواري...

والـــردي مـنــا لعـيـنـك / لـــو تــبــي فــــل الـحـديــد

قبل موتك لو وصلنـا / بـس لـو هـو بـس / طـاري...

والله ان تـلـقـى الـجـزيـره / تـاصـلـك مـثــل الـبـريــد

والـحـرس والجـيـش كـلـه / بالمـدافـع والـطـواري...

شــيـــخ / ولا ذيـــــخ / ولا صـيــرمــي / ولا ولــيـــد

والله ان نمشـي ورانـا / نسحـب لوجهـك ضــواري...

مــن هـنـا حـتـى الـجـزائـر / وايـــد بـيــدٍ ويـــد بـيــد

لو سمعنا الصـوت والله / يـاان تفـز الـك الحـواري...

مـار ربـــي كـاتــبٍ لـــك / يـاالـوفـي تـغــدر بـعـيــد

والا والله دون وجــهـــك / يـاسـنـدنــا مـــانـــداري...

والله ان يــرثــع غـضـبـنـا / بـالـسـمـا ويــهــّز بــيــد

والله ان يمشـي / شعيـب الـدم / وتفيـض الـغـداري...

وكل سيفٍ يصطرخ في صاحبه (( هل من مزيـد ))؟!

مــار هــذي قــدرة الله / والـقــدر يـاشـيـخ جـــاري...

بـالـفـقـيــر وبـالــغــنــي وبـالـحـمــايــل والـعــبــيــد

مــار يالله ياعـلـيـم / بـكــل سـكــن وكـــل ســـاري...

جــاك ضيـفـك جــاك ضيـفـك / يـاالاهـي بـيـوم عـيــد

يالله انـــك تـرحـمـه / بــعــداد مـايـطـلـع نــهــاري...

يــاكــريـــم ويـاعــظــيــم ويــارحــيـــم ويـامــجــيــد

يالله اللـي لـو فـراري / منـك جيتـك / مــن فــراري...

طـالـبـك يالله فـكــه / مــــن شــقــى يــــوم الـوعـيــد

ومـن قطـوفٍ دانيـات / ومـن بـراد / ومـن جـواري...

مـد / لـه وانـت الكـريـم / ومــن لـقـى عـفـوك سعـيـد

ياجزائـر / ياقنـص / ياطيـر / يـااسـراب الحـبـاري...

يـاتـذاكــر / يـاسـفــر / يـابـعــد / يــاطــراد الـطـريــد

يعلـم الله كـم بكيـنـا / والسـبـب مــن طـلـق نــاري...

والقـهـر لامــات شـيـخ(ن) / والسـبـب غلـطـة بـلـيـد

رحــمــة الله يــاطـــلال / ومـاكـتـبــه الله جـــــاري...

(( واحسـن الله بـك عزانـا / مـع عــزا آل الرشـيـد ))

الشاعر / عبدالله الدواس

جيت الرياض ولفه احزان وغيوم=والدمع جيته من محاجره ذايب
جيت الحزن منصوب واطنابه هموم=وبرفته شفت الأسى والغلايب
وجيت العيون من الحزن صحّت النوم=وجيت الحزن صحا نعاس الهدايب
والعطف جيته عابس الوجه مهموم=لمحت في وجهه هموم وعجايب
وجيت الوفا تايه عن الدرب منجوم=يسأل عن اللي تحتضنه الترايب
وجيت الكرم بابه مسكر وملجوم=ومبناه تلعبه رياح الهبايب
وجيت العطا مبوض كفه ومضموم=عقب البذل والجود عقب الوهايب
وجيت الونس وجهه من الحزن ماسوم=وسألته بربه وشنهي مصايب
جاوبني بصوت ٍ مكسر ومثلوم=وناظرني بعين ٍ بها الدمع رايب
قال العزا باللي على الخير مفطوم=وجه الوفا اللي تحتضنه النصايب
عزيز قوم اليوم ينعونه القوم=ولاجله عيون القوم تهطل سحايب
طلال ابو نواف ودعني اليوم=وضاقت بي افجوج ٍ وساع ٍ رحايب
حسيت في صدر العزا رمح مسموم=وحسيت في صدري توقد لهايب
قلت البقا لله والعمر مقسوم=ماغاب لو زوله عن العين غايب
لو كان مثل حيل ياشيخ معدوم=يامن رقيت بطيبك أعلا الرقايب
مرحوم ياحسن الخلق قمة الشوم=تشوم بك نفسك ياعرب النسايب
مرحوم ياللي بالفخر تعشق الحوم=تعشق دروب الطيب واهل الوجايب
مرحوم ياشيخ المواجيب مرحوم=يامن بفزعاتك تغيض النوايب
ياما بهجت لصدر بائس ومحروم=وياما دعمت اعلاج طفل ٍ وشايب
وياما نصرت بفزعتك حق مظلوم=بالحق غضت اهل الجشع والنهايب
وياما عطيت بسر ماهوب معلوم=شخص ٍ نصاك وراح راضي وطايب
وياما بنيت افكار وآمال وحلوم=شخص نظرها في عيونه صعايب
يالله عسى وجهك عن النار معصوم=بجنان خلدٍ مطمئن غير هايب
وبالله يامعبود يافارض الصوم
ياواحد لبيته تشد الركايب=ياسايق ٍ مزنه على كل مزموم
وسقت الرطب مابين عسب وكرايب
يالله ياللي تكسي العظم بلحوم=تكسيه بالسندس وتقبله تايب
الحمدلله والبقا له على الدوم=الله يلهمنا الصبر بالنوايب
للخلد ابو نواف للخلد مرحوم=وماجور يانواف بأغلى الحبايب

شعر/ نايف بن حزل العنيزان

يوم الخميس وثالث أيام شوال
.......................أنا أشهد أنه مات رجلٍ فقيده
بأمر الولي مافيه شكٍ ولاجدال
...........................الله يدبر ما يشاءه ويريده
يا الله يارحمن يا عالم الحال
,........................سبحانك الله يا منجي عبيده
ترحم طلال ونزله خير منزال
....................انت الكريم بجود فضلك تزيده
من مات طيب عاش يذكر بالافعال
........................والفعل ما يطغيه حتى جديده
في صفحه التاريخ يكتب للاجيال
........................أحدٍ يقوله قول وأحدٍ قصيده
سوالف فعول النشاما على رجال
.......................لو ما طبع فكتاب ولاجريده
مثل طلال معرب الجد والخال
......................الطيب فعله والمراجل رصيده
الآدمي عايش بدنياه رحال
.......................يا الله طلبتك خاتمتنا سعيده
سبحانك الباقي ولا غيرك نسال
......................ساعه لقاك نموت موته شهيده

الـحـزن اكـبـر مــن مـعـانـي القـصـايـد

................يـا شاعـر تبكيـه قبلـي حروفـه

ارثيـه..! كـيـف ارثـيـه..؟ والـحـزن كـايـد

...............عيـون قلبـي بالمعـانـي تشـوفـه

ارثــي الشـعـر..! والا الـخـصـال الـفـرايـد

....................والا الشهامة والوفـا والمروفـه

فـقـيـد شـمــر والـشـعــر والـبـدايــد

..............شيـخ تحنـت بالمـراجـل كفـوفـه

لــه بـالـكـرم سـلــوم جـــد وعـوايــد

.......................من راس شمر والخوال معروفه

يبكـيـه مـــن حـبــة قـريــب ونـايــد

.................انا اشهد ان الموت لمثلـه حسوفـه

حـرفـي حـزيـن ولــه جـروحــي قـلايــد

..............توشحـت بالحـزن اصـدق حـروفـه

عبد العزيز الصقيري

رحمك الله يا أمير الطنايا يا عريب الساس
......................عسى الجنة ملاذك بعدما خليت دنيانا
غدر بك تافه حاقد تعلم من غدر جساس
............................على غدر ومكيده ما تحداك وتحدانا
نعت شمر طلال بن رشيد اللي حيا نوماس
......................على شمر حفي المكرمين اغلى من اغلانا
نعاك الطير والشعر ونعاك الطيب والاحساس
....................وبكتك المرجلة حتى بدت فينا من ادنانا
كريم قيل قبلي تستحي من ردة الانفاس
......................شجاع تدري ان الموت في موتك تخطرانا
على قبرك غدا دمع الرجال به المطر ينقاس
.................بعد فرقاك عم الحزن بأولنا وباقصانا
كأني بالجزائر بعد موتك صابها الافلاس
........................كأني بالكرام من اهلها تأسف وتنعانا
كأني بالأسى فيها كساها كلها هوجاس
.........................تجاوب بحرها مع برها نادم وعزانا
عليك الحزن يذهل في قلوب وفي عقول الناس
.......................عليك الناس مذهوله من الفرقا وبلوانا
نعاك ابن الفجاءة قبل موته يا عزيز الراس
.....................ونعاك الزير سالم وانت قبل الموت منصانا
ترى مجرى الدما بعروقنا بعدك بدت يباس
......................على عهدك بنا يا اميرنا تبقى حميانا
عسى نواف يكمل ما بنيته يا عريب الساس
.....................عسى الجنة مقرك بعدما نورت دنيانا

أخواني الأعزاء السلام عليكم ورحمة الله وبركاته ...
المشاعر مليئة بالحزن العميق على رحيل (أبو نواف) ومهما كتبنا فإننا لا نستطيع أن نعبر عن ما بداخلنا من مشاعر......
...... وتعجز الكلمات عن التعبير تجاه الفقيد رحمه الله تعالى ...........
وهذه القصيدة الثانية للشاعر / نواف نهير العلوي الشمري رثاء ....
بالأمير / طلال العبدالعزيز الرشيد رحمه الله
ويقدم التعازي لأهله وذويه وأسرة آل رشيد وقبيلة شمر عموماً
.
اللهم اغفر له وارحمه واجعل قبره روضا من رياض الجنة ,
اللهم ثبت قلبه عند السؤال ياغفور يارحيم,
اللهم نقه من الخطايا كما ينق الثوب الابيض من الدنس
يامجيب الدعاء ياكريم ياودود , اللهم أسكنه فسيح جناتك ,
منعما ، مكرما ، مخلدا في فردوسك , اللهم اجعله من الواردين على أنهار جنتك ,
والمنعمين بالحوروالعين اللهم ألهم أهله وذويه الصبر والسلوان ,
اللهم عوضهم خيرا ، اللهم انك القادر على ذلك لاحول ولاقوة إلا بالله ,
إنا لله وإنا إليه راجعون .
(صرخ برزان صرخ رمان صرخ سنمان ورماله)

صرخ برزان .. صرخ رمان .. صرخ سنمان ورماله = تكسَّر في أجا العبرات وسلمى شقت جيوبه
صدى صرخاتهم بالغيم جتك السحب همَّاله = تهل دموعها بالحزن فوق الضلع مصبوبه
صرخ ياطب .. وصاح إركان .. وصاح عصام وجباله = صرخت حايل .. وحجلانه ياكن الدار مسلوبه
صرخت صرخه .. صرخة نوره بعال الصوت عِزاله = عسى دار الجزاير في صباح الغد مقلوبه
نعاك سعود .. والنايب .. وقصر الحكم ورجاله = تخيَّل صدمة الموقف تقول الدار مضروبه
أمير الدار يفقد شيخ وأغلى غالي أخواله = يروح الشيخ بليا حرب .. ولا مقابل .. ولا شوبه
سديد الراي بالأزمات عضنفر قايد قتاله = ضياغمٍ باللَّقا والعيد عنده ساعة حروبه
جنايز من جنايز ما مشوا بالغدر وغياله = جنايز مومنينٍ بالقدر والكتب مكتوبه
عزانا بالأمير الشمري إخوانه وآله = أخوه الضيغمي (عبدالعزيز) اليوم شدوبه
وعزانا فيك (نواف) المضفر صامدٍ جاله = وفي (عبدالعزيز ) وبالضياغم ضد لاهوبه
حرار من حرارٍ في ظهور الخيل خياله = حرار من حرارٍ من جبل سنجار مجذوبه
جزاك الله (ياطلال) بالجنات وإقباله = عساك بجنة الفردوس بأنعامه ومشروبه
وحنا في بلاد الخير دار العود وعياله = جزاه عن أمة الأسلام عفوٍ يغفر ذنوبه
وصلاة الله لمحمد إعداد النفد وسهاله = رسول الحق في نشر الهدى ما أحلاه بأسلوبه
رسولٍ ينبذ الإرهاب ما حبه ولا قاله = يقول إن البشر في ذبح مسلم في لظى والنار مشبوبه

منقول من :
(( مضايف شمر ))
مشاركة ( حلا شمر )
تـبـقـى .. ( طـلال ) الـحـب
لن تفيك الحروف مهما كتبنا في حبك لن تفيك الكلمات ولن تفيك المعاني
مهما كتبنا في حبك يا طلال ستبقى في قلوبنا

بسم الله الرحمن رب البريّه
................ يبدا العزا والحرف منّي تذمّر
قالو : طلال .. وقلت : يا رب حيّه
................. قالو : توفّى .. قلت حالي تدمّر
طاح الجمر من عين نار ٍ لضيّه
................ والقلب من علم ٍ لفى اليوم جمّر
تبكي السما .. والأرض حاله شقيّه
................غصن الألم في شجْرة الهم ثمّر
تكفون يهْل الخير ردّو عليّه
................... ملعون ابو منهو علينا تأمّر
يا عزوتي يهْل الطنا الشمريّه
...................هو مات والا ماتت اقلوب شمّر
مرحوم ياللي ما مشيت الخطيّه
.........................إن مت حبك بالمعاليق عمّر
تبقى ( طلال الحب ) ما دمت حيّه
.....................إن مات حرف الشعْر والا تذمّر

القوافي تبكي الملتاع وحروف القصايد أرمله
.................. والشعر جلباب أسود يلبـس الدنيـا ويلـف
في الجزاير مات حلم الشعر مـات بأولـه
......................رحله المقناص عيت توصل أعتاب الهـدف
ياطلال الوقت مال وخذ مـداد أحلـى ولـه
................... ويالرشيد أيش الجديد وصايغ الأبيات جـف
ليه يـا أرض القوافـي بالقصايـد ممحلـه
................. بعد ما نالت ثمارك أعلى هامـات الشـرف
وانتفض صوت القوافي في جواب الأسئلـه
............................رددت نبع القوافي للأسـف جـف ونشـف
أشهق حروف القصيده وفي ضميري هائلـه
.......................كنها ترفض نفسـي فـي غيابـه وتنعـزف
لو تغيب الشعـر بااقـي ياطـلال ومنزلـه
...................مثلها كاان بحياتك في الضماااايـر مختلـف
ا

منقول من :
(( مضايف شمر ))
مشاركة ( محمد العجمي )
هبيت ياعلمن يوم السبت
السلام عليكم ورحمة الله وبركاته
لآ أعلــم مـــاذا أقـــــول لكن لـــكم هـــذا

هبيت ياعلمن يوم السبت به يشعـون = علمن سمعته هـز قلبـي وراعـه
أمسيت به قلبي من الاحزان مشجون = ولاعاد لي بالصبـر قـد استطاعـه
كف العذل ياللـي لمثلـي تعذلـون = خلوني ازعج عبرتـي كـل ساعـه
ابكي مدامي حي والنـاس يسلـون = انوح وانعى اللي طويلـن ذراعـه
ابكي على اللي كلكم لـه تعرفـون = ابـو نـواف عزوتـي بالجمـاعـه
صاحبي يوم الناس عنـي يصـدون = قال ابشـر بعـزك قالهـا بندفاعـه
بابـه مشـرع والمساييـر يلفـون = وقولت هلا من عاداتـه وانطباعـه
افخر ليا جاءاسمه مع اللي يهرجون = واعتز في ذكر الفخـر والشجاعـه
ابو نواف خلاني وانا منه مطعـون = من اللـي مثلـه سريـع اندفاعـه
كنـي وحيـد والمخاليـق يمشـون = لوبه اخوان وبه ربـوع وجماعـه
ماحـدن يسـد لفرجتـه لوتقولـون = العز راح اللـي رفيعـن شراعـه
عزاة يابو نـواف بالقبـر مدفـون = ولاعاد لـي فـي شوفـه طماعـه
ياليتني عـن دفنتـه كنـت مدفـون = وياليتنـي ماذقـت حـر التياعـه
يالله ياللـي لـك عبـادك يلـبـون = اللي عـن الدنيـا علـى ارتفاعـه
طيب ثراة وعـف ياولـي الكـون = واجعل ظلام القبر يضوي شعاعـه
واجعل نزوله في نعيم له غصـون = وسـع لمنزلتـه وجسـر مراعـه

منقول من :
(( مضايف شمر ))
مشاركة (أم نــــــــــواف )

(((( ... قصـر برزان يبكي من بكوله ))))
إنا لله وإنا إليــه راجعــــون

لو تجمّعت أحزاني وحسرتي مع أحزانكم وحسرة كل شمّري على وجه الأرض
لما وازنت مابقلب ( أم طلال .. عمّـوشه بنت بندر السبهان ) حفظها الله
والدة الفقيد رحمه الله تعالى من قهر ولوعــة أعانها الله
وألهمها الصبر والسلــــوان .
وعليها أن ترّبــي لنا هذين الشبلين كمــا ربّت ذاااك الأسد رحمه الله ..
ولكم مع عزائي هذه القصيدة التي قلتها في ليلة سماعي للخبر
ولقد كانت أم طلال بين عينّي وأنا أكتب الأبيات لذا فستجدونني
أتحدث على لسانها في بعض الابيات ...
هذا والله يحفظكـــم

ابو نواف راح ..ووش بقالـي = من رموز الشجاعة والرجولـه
ابـو نـواف تفـداه العيالـي = لو بكيفي.. ماداج الموت حوله
ابـو نـواف يانجـم يلالـي = يارمـز للبسالـه والبطولـه
ابـو نـواف يارمـزٍ غدالـي = وغدالي هرج كنت انوي اقوله
لاقـال بقولتـه درب العدالـي = كريم مفـرّغ لضيفـه عدولـه
وسيع الصدر.. نفسه بالعلالي = تعشق الطيب وللعليا تخولـه
ابـو نـواف حـلاّل الحبالـي = مشاكل ماتجي غيـر بحلولـه
يفزّ بساع لاشـاف الخمالـي = يسامح مخمل مثَقِّـل حمولـه
ابـو نـواف اشباهـه قلالـي = عديم الندّ .. شدّ الموت زولـه
فواصل نجم فوق الراس عالي = بناها وباينـات بـه عمولـه
صبر..للصبـر دروب طوالـي = قليلٍ من صبر صبـره بطولـه
بياض نفتتـح بـه كالزلالـي = مقال الفاصله يزهـى بقولـه
كم حقوقٍ كتب لأجله مقالـي = ومقـالاتٍ كتبهـا مانقـولـه
جِري بالحق حـلاّل المحالـي = حلاحيـلٍ يحلّـه مانحـولـه
ياليتي متّ قبل اسمع مقالـي = مقالٍ قِيـل جرّحنـي بمقولـه
جرالي شي ماعمـره جرالـي = لـو الرجليـن دلّنـه جرولـه
وطرالي شي ليتـه ماطرالـي = طرالي شيخٍ اجـداده طرولـه
عسى دار الجزايـر للخَلاَلـي =وعسى الجلفه لدمـار يطولـه
عسى مابأرض جلفتهم عدالي = وعسى من راح يمّه ماينولـه
عسى من ياردونـه للخبالـي =وعسى تعدم إذا السبّه خبولـه
عسى طينٍ شـرب دمٍ لغالـي = يتصلّب لين ماناسـي لجولـه
وعسى نفسٍ رمت زين الفعالي = لسهام الغدر تنشبّ به وتغوله
ابو نواف مايعـوّض بمالـي = ولافات الفوت ماتفيد المقولـه
الا يالله يامحصـي الليـالـي= يامحصي النجم ثباته وافولـه
تبـرِّد قبـر وهّـاب الجزالـي = وتثيبه قـد وقفاتـه وفعولـه
عيونٍ ترتجي شبـل الرجالـي = وِلِده نـواف غـذّاه الرجولـه
أيا نواف خَلـف مـن غدالـي = طلالك راح إغد لمـن غدولـه
أصيح أنخاك نـواف الطلالـي =أبوك اليـوم ممـدودٍ بطولـه
خِذ الرايه.. عليك الحمل تالي = عليك العين..إزم لمـا زمولـه
بكوه عيال عمّـه والخوالـي =صفقو الكفّين شباب وكهولـه
صفقت الكف يوم العلم جالـي =وقفت بتوهتي كنّـي مهبولـه
أعزّي شمّر شيـوخ ومعالـي =شباب وشيب.. نسوان وبعوله
أعـزّي كـل ورعٍ بالزمالـي = وبنات الغيد وارباب الطفولـه
أعزّي كل من شـبّ الدلالـي = طنايا.. وكل ركّابـة خيولـه
أعـزّي كـل حيّينـه وحالـي = تعـزّي ميِّتينـه والحَمـولـه
جبال تصيح وصياحه خيالـي = (وقصر برزان يبكي من بكوله

منقول من :
(( مضايف شمر ))
مشاركة ( ابــو فــهـــد )
سطـم فهـد الشمـري ( ابوفـهـد)
عسى الخبر في جملته كذب يارجال

علـمٍ لفـا ولـع بقلبـي سعـايـر
................. تناقلـو بـه عبـر الانتـر وجـوال
يامـن يبشرنـي واسـوق البشايـر
..............عسى الخبر في جملته كذب يارجال
بالله اعطوني الخبـر ويـش صايـر
................. شيئا سمعته ماخطر لي علـى البـال
يلعنـك يادنيـا النـدم والخسـايـر
.............. شرك على عيال الحمايل والابطـال
مرحـوم ياشيـخٍ قنـص للجزايـر
................ عسى الجزاير يضربه الف زلـزال
عم الاساء والحـزن كـل لدوايـر
................من شرق سوريه الى سمر الاجبال
.

منقول من :
(( مضايف شمر ))
مشاركة ( راعي الهوى )

مرحوم ياشيخ الشعّر والرجوله
أقشّرخبر وصط الجريده قريناه
............... ساعة قريته دمعتي له عجولـــه
مرحوم ياشخصّ عزيزّ فقدنــاه
................ مرحوم ياشيخ الشعر والرجــوله
مرحوم ياحاتم زمانه عرفــناه
................. مرحوم ياللي كلّ شـــــــــيّ يــطـوله
والله لــو يـفدا بــه العـمــرلفداه
................... لاكّـن مـوت وياخذ اللــــــي ينولــه
يم الجزاير شاله الموت وأخفــاه
.................. حسبي على اللي بالقنص يوم جوله
يالله ياللي تسجد الناس لرضــــاه
..............يامنزلّ حقّــك ومرسل رسولـــــه
عسى طلال بجنّة الخلد مثـــواه
....................وعسى مقره مع نبيـّك وحـولـــــه
يالله يالمعـــــبوديـــالله يالـّـلـــه
................. يالله تقبل دعوة اللي دعـــــولـــــه
وياعين لو تبكين منساه منساه
...................في ذاكرة راعي الهوى دوم زولــه

.

.

.

منقول من :
(( مضايف شمر ))
مشاركة ( محمد العجمي )

( رثـاء ) للــوالــد طـول اللّه بـ عمــره ..

أسـأل الله الـعـلـي الـقـديـر أن يـسـكـنـه بـ فـسـيـح جـنـاتـك ( بـ أذن الله )

نـعـم الأن فـقـدنـا رجـل , أمـيـر , أخ , شـاعـر

طـيـور الشـر تـتـرقـص وتـصـرخ مـن فـرحـهـا.. الـبـوم = لأن صـقــر (ن) عـلا شـانـه.. فــي مـوتـه عــرس عــذالــه
أشــوف الـنــاس كـذابــة. وبـدا صـدق الـهــوى مـعــدوم = يـغــطــي شـمـســهــم غــربـال .. بـزمـان .. طـاح غـربـالـه
وقــلـب الـحـر مـا يـرضـى يـكـدر خـاطـر ... الـمـحـروم = يـبـيـع الـعــمـر .. لأجـل أنـه .. يـرجـع ضـحـكـت..عـيـالـه
لـعـنـت الـوقـت والـتـاريـخ لـعـنـت الـخـافـق الـمـهـزوم = كـرهـت الـضـعـف فـ أبـن آدم وعـلـى حـرصـه عـلـى مالـه
وأنـا مـا أبـدل ( أبن الرشيـد ) ولا أبـيـع الهـوى بـ الـسـوم = رضـيـتـك بـ الـمـوت قـسـمـه مـقـدر لـك ..... وأرضــالــه
ما دام أنـك ( أغـتـلـت ) و مـوت سـأسـي الـمـهـدوم = أجـل والله لا تـحـدى ... ظـروف الـوقــت .. وأهــواله
آلا يـ ( الجزائر ) وش بـاقـي و خـافي وش . مـعـلـوم = مـا دام أن الـزمــن .. يـطـعـن .. ويـذبـحـنـا بـ أفـعـالـه
ودام أنـي لـمـحـت الـدمـع عـلى خـده كـبـيـر الـقــوم = أجـل مـا لـوم أصـغـرهـم .. لـيـا مـن .. قـطـع .. نـعـالـه
أشـوف أن الـزمـن وقـف وجـدت بـ الـعـلـوم . عـلـوم = وعـقـارب سـاعـتـي .. ضـاعـت تـعـد الـوقـت.. مـحـتـالـه
صـرخـت بـصـوتـي الـعـالي وبـنـيـت من الـدموع رجـوم = ولـمـت الـمـوت ..عـشـان أنـه خــذاه.. ولا رحــم .. حـالـه
نـا مثـل الأسـيـر اللـي يـشـكـي قـصـتـه .. مـظـلـوم = يـصـيـح مـن الـقـهـر .. يـشـكـي .. وتـسـيـل دمـوعه عـماله
غـديـت مـن الألـم نـبـع وحـظـي مـن الـفـرح مـردوم = جــيــوش الـغــم تــلـعــبـي .. وقــلــبـي الـهــم .. يـسـعــالـه
وغــدا حـالي كـمـا طـفـلٍ من حـلـيـب الـوالـدة مـحـروم = يــدور بـ الـوجــيــه أمــه.. وأبــد مــا.. يــلــقــا.. آمـــالــه
ومـدام أن الــقـدر يـضحـك ويـسـقـيـنا الـفـرح مسـمـوم = أشـوف الـمـوت أريـح لـي .. مـن الـتـقـديــر .. و .. أهـوالـه
تــصـبـر..! هـذي كـلـمـتـهـم خـذا حـقـه.. مـن المـقـسـوم = آلا يـالله .. ويـن الـصـبـر؟؟ .. تــقـرب مـنـي .. حــبــالــه
كـريـم طـيـب ( طلال الرشيد ) .. مـقـدر .. مـحـشــوم = بــكــى لـ ( مـوته ) جـمـيـع الـنـاس وعـزونـي مـع أعـيـاله
خـذاه الـمـوت مـن يـدي .. وأنـا ظـنـه خـذاه . الـنـوم = وطـلـبـت الله ولا غـيـره .. يـشـفـي مـن الـمـرض .. حـالـه
وتـالـي الـلـيـل شـالوني عـلـى كـتـوف البشر مزموم = وحــطــوا قــلـبـي فــ قـبـره .. ودمــوع الــنـاس هــمــالــه
تـذكـرتـه وهـو يـهـيـجـن وخـافي خـاطـره مـهـمـوم = وسـوألـيـفـه عن الأيام .. و الـقـنـص .. والـطـير و رجـالـه
وتـذكـرتـه يـشــد أيــدي ويــرجـي عـــونـي الـمـعــدوم = وهـو روحـه بـيـد الـمـوت .. عـسـى الله يـرحـم . أحـواله
على أيـديـنـه حـفـظت الشعـر وفـ بحوره عرفت أعـوم = وأنـا مـا كـنـت أظـن أنـي .. أبـ أكـتـب .. شــعــر يـرثـالـه
أنـا مـا أبـيـح الـخـافي .. ولكن بـ ( مـوتـه ) مـصـدوم = بــذالــك الـلـي تـعــرفــيــنــه .. لــربــه شـدن .. رحـالــه

{ الصفحة الأخيرة } { من 114 } { الصفحة التالية }

أهلاً و سهلاً

وصلات

الملهمة عالمي الخاص
ريشة مبدع
منتديات خيال
منتديات صخب انثى

الأقسام

آخر المقالات

أصدقائي

asem246
nasem
retaag