طلال العبدالعزيز الرشيد

تبقى ( طلال الحب ) ما دمت حيّه إن مات حرف الشعْر والا تذمّر(مرثيات الجزء الثاني)

منقول من : (( مضايف شمر )) مشاركة ( ولد الضياغم ) الطنـــــــايا00لك ياطلال00 افتقدنـاك يــا ابــا نواف00حـقـا افتقـدنـاك فها انا كلما اود ان اهدئ من روعي اقرأ ما يؤججها وتضهـر معـي الابـيـات تـلـو الابـيـات00 شـمــر بـفـقـدك يالـرشـيـد استـبـاحـت = واباحـهـا منـهـو لــك الـيــوم غـــدار وكـم مـن مــرة لجـلـك فـرعـت نـاحـت = تنـخـى الطنـايـا وصرختةبـكـل الاديـــار والطـنـايـا 00لــــك يــــا طــــلال ان كـــــان بـالــغــدر صــــــار =هـذي لــهــم وصــــــم عــــــار وحـنــا تـــرى يـــا هـيــه حــنــا = بـدحــرهــم حـــيـــل شـــطـــار لــيــت الــعــدو مــــا تــحـــدى =لا ولا بــالـــغـــدر ســـــــــار طــالـــع بـعـيـنــك لا لا تـــلـــدا =واسـمــع بـأذنــك كــــل الاخــبــار حـنــى طـنـايــا حــنــى نـتـحــدى = جـيـشـك ولــــو جــيــش جــــرار اصــــرخ طـنـايــا كــــل يــــردا = صـغـيـرنــا قـــبـــل الــكــبــار اصرخ طنايا تفزع سرايا من مقعدي حتى الاهـوار اصـــرخ طـنـايـا وصـوتــي امــــدا = يجـيـبـنـي مــــن لــهــم ثـــــار اصـــرخ طـنـايــا وانــــا تــحــدى = كـــم صــرخــة تـشـعــل الــنــار وحـنــى طـنـايـا حــنــى نـتـحــدى = جـيـشـك ولــــو جــيــش جــــرار حـنــى طـنـايـا واخـــوان ســعــدى = والــــــدور دوري ولـــكــــلٍ ادوار وطــلال يسكـنـك ربــي جـنـة الـخـلـدا = الـعــالــي الــعــالــم الــجــبــار هــــذا كــلامــي وانــــا مــعــدا = اشـهـد انــا بالله مــا غـيــرة اخـتــار منقول من : (( مضايف شمر )) مشاركة ( الدهور ) وقفة على الأ.."طلال مسلمين ؟! يا حسافة حِطّ بين القوس طين" .................... دين أحمد قد تبرّا من مثلهم و العرب شُلّت ايد اللي بِغَضْكُمْ وأطلَق بْدَربك كمين .......................ولْ قتلكُم يا عسى من مثل ما ذقتم شِرب يا طلال بن الرشيد اللي سكن روح(ن) و عين ..................رحمة المولى عليك بْرحمةٍ ترقى لِرَبْ لو درت هذي الرصاصة وين صَوّبها اللعين .................لَ وْقِفَتْ لِك نصّ ساعة و اسمحتلك بالهرب بس طبع الحِرّ في وقت الشدايد ما يلين ........................ ما تهزّه.. النوايب.. و لا تزعزعه الكِرَب سَلّم الروح الطهور لْرَبّها الراعي الأمين .......................... صانها له في حياته.. في بِعاده و القرِبْ يا شهيد الشّّعْر يا نهره اللي يجري و المَعين .................. ما بكتك المملكة.. بلْ لك بكى كلّ العرب هذي أوراقك على المكتب تناجي من يعين ........................ يا قصيدة إبْتِدَتْ لمّا انكسر وزن الطرَب يا حزن قلب(ن) سكن في جوف قلبك من سنين ................. ضيّ نجمِك ... لو رحَلتْ- تراه ساطع ما غِرَب ما وصَف كِلْ حرف منّا حتى " وَنّةمِ ا لأنين ........................ بافتقادِك يا نسِلْ لاحرار يا ولد العرب . طلال سميتك على طير حوران .................. الضيغمي تاج الفخر والشهامه عز القبيله عز حايل وبرزان .............. مرحوم يا عز السلف والجهامه للضيغمي دانت قبايل وغلمان ............. من الشام لين ايسر قرايا تهامه. طلال بإسم الضيغمي يوم أسميك ...................من شأن ذكره دايم الدوم بالبال مولودنا حييت ...الله يحييك ...................... ومأجور في شيخك فتى الجود طلال نزلت في دنيا الشقا والتهاليك ........................ وطلال شد اليوم مقفي ورحّال الشاعر / خلف بشيِّر العجلان يقول رثاء في الفقيد الغالي الأمير / طلال العبدالعزيز الرشيد رحمه الله وأسكنه فسيح جناته ... ويعزي أهله وأخوانه وأولاده وجميع أسرة آل رشيد وقبيلة شمر كافة وجميع من عرف الفقيد رحمه الله تعالى ... وعسى الله أن يلهم الجميع الصبر والسلوان ( الله أكبر بكى المريخ وأبكى زحل ) لا سقى الله ورق من مرهشات الخيال = وإن نقع ماء غديره ما نبت به نفل يالله إن الشجر سمٍ يسم الحلال = ديرة الغدر راحت بالشجاع البطل رحمة الله على شيخ الطنايا طلال = أخو نوره عن الدنيا وعنّا رحل شبل عبدالعزيز اللي وصوفه قلال = من يشوف الجنايز من مكانه جفل يفقدونه رجال يميلون العقال = فيهم الجرح يبقى جرح ما يندمل تبكي الشيخ حايل والجبل والرمال = والسيوف البواتر ما تبي به بدل البقاء فيك يا نواف عمر الليال = راح جدك وعمّك يالبناخي حمل من سمعت الخبر عبر الوسائل يقال = أتسائل وأقول الشيخ ليه أنقتل دامه أكبر عدوٍ للذهب والريال = فيه رحمه وجزمه فيه عطف وخجل يا بنات الجزيره يا مقر الجمال = الهدب يالعذارى لا يمره كحل من تعذّر تعذّر يا بنات الشمال = الرجاء عام كامل لا تمرّن حفل وألاّ أنا يا بلتني بالزمان الثقال = أتحلى بصبر الأرض هي والجمل فاجعه هزت الدنيا وسمر الجبال = الله أكبر بكى المريخ وأبكى زحل الشاعر / نايف عنيزان الرمالي الشمري يقول رثاء في الفقيد الغالي الأمير / طلال العبدالعزيز الرشيد رحمه الله وأسكنه فسيح جناته ... ويعزي أهله وأخوانه وأولاده وجميع أسرة آل رشيد وقبيلة شمر كافة وجميع من عرف الفقيد رحمه الله تعالى ... وعسى الله أن يلهم الجميع الصبر والسلوان ( أصعب خبر خلى البشر ترجف إرجاف ) أصعب خبر خلى البشر ترجف إرجاف = بكّى قبل يبكي صديقه عدوَّه هز المشاعر هز وإسترسل القاف = العاصفه يسبق عجاجه هدوَّه ما جور يا جمع الطنايا ونواف = بالضيغمي طلال زبن الجلوَّه يالله عسى حد الجزاير للإتلاف = ياعل عنها ياقف الغيث نوَّه اللِّي غدت في حر نجدٍ والأطراف = يا ليت تنفع .. لو .. لأقول .. لوَّه طلال إبن عبدالعزيز إبن الأشراف = نطَّاح عسرات الليالي بقوَّه عليه حايل دمعها ديم هتَّاف = وجه الجبل بعد الفرح شان جوَّه مرحوم يا شيخٍ ورث مجد الأسلاف = من وقتنا هذا لوقت النبوَّه يا عز نوره يا نخت سترها الضاف = يا نجم شمَّر في سماه وعلوَّه شيخٍ بوجهه تجتمع كل الأوصاف = تعطي ولا تاخذ آيادي سموه ليثٍ يروم النايفات من الأهداف = رجله على دوس الخطر به جروَّه على السلوم الطيبه عقل وإنصاف = ما هزه الفكر الحديث وغلوَّه له بالولع والبر والشعر ميقاف = والطير حبه .. حُبْ .. شمَّر لضوَّه شمَّر بموته جرحها شلِف ورهاف = طول الزمن ما ظن يرجى بروَّه يالموت بعده ما بقى شي ينعاف = بالله سو اللِّي تبي اليوم سوَّه عيد القهر عيد الأسى عيد الأمرار ............................يا ثالث الأعياد لاعدت لاعاد لاعاد ليلٍ فيه صلفات الأقدار ...............................وألاَّ القدر يا صار ما عنه ردَّاد وادي ورق لا جاك بالوسم مدرار .............................. خمسين عام عل ما يمشي الواد وعسى الجزاير هي وأهلها للأكدار .............................. يبيدهم من باد عادٍ وشداد اللِّي غدت بالضيغمي نسل الأخيار ...............................عز الجبل في وقتهم عرب الأجداد حر الحرار اللِّي على صعب الأوكار ........................... ولد ولد مولود ندٍ للأولاد طلال يالمرحوم ما هبت الأخطار ............................ دوس الخطر يا أمير ما جاب الأفواد ينعاف عقبك يالبطل نظم الأشعار ............................ والبر والطلعات وطعوس الأنفاد والطير والمشوار والنار والكار ...........................والحب والأخلاص ما عنه نشاد ما لوم من عينه كما وصف الأنهار ..................................موتة طلال الشمري منها الأنكاد إبكو طلال إكبار وأيتام وصغار ............................يا آل الضياغم أعلنوا عامٍ إحداد طلال أبو نواف والله ما صار ........................... مرحوم يابو الجود يا راس الأجواد يا عل روحك تبتعد عن سنا النار .......................... في ظل عرش اللّه على روس الأشهاد ما جور يا نواف ماجور ومجار ......................... ياللِّي على نهج البطل عنه ما حاد عاشق ربيع ورافضٍ كل الأدوار ....................... رفضت أنا الإشراف بأجا والاعداد ونلت الشرف والتاج وألغيت الأعذار ............................... في منتدى طلال زيزوم الأمجاد هلّت مشاعرنا دموع القوافي ........................ وأبتلت ثياب الفرح حزن بالعيد جت من بحور الشعر يم المرافي ........................... قصايدٍ ترثيك من قاصي البيد يا من نثرت الشعر حب وتصافي ......................... معنى وفكر وحرف وإحساس تجديد غبت ومعك بعض الشعر صار طافي ........................... لا عادك الله يا خبر رحلة الصيد أحدٍ بكى وأحدٍ به الحزن خافي ........................ولكن بطيبة نفسك حروفه تشيد طيب وتواضع وإحتساب وملافي ......................... لكل محتاجٍ على غير تحديد يسراك ما قالت ليمناك كافي ..............................ترجي من الله ما من الخلق تمجيد طلال يا علك بظل وفيافي .................................أخير من دنيا تزايد بتنكيد وحنا يعوضنا الكريم ويشافي ............................. بقلوبنا أحزانٍ من غيابك تزيد لـ ( سليمــــان بن عبـــدالله الســـــلامـــــه ) مـــن ( عنيـــزه ) رثــــاء بالفقــــــيد الأمير / طلال العبدالعزيز الرشيد رحمه الله وأسكنه جنات النعيم أنه سميع مجيب الموت حق وكل حيٍ موافيه ............................مرحوم يامن بالجزاير زهق روح رابع ليال العيد قالو طواريه .............................. قالو طلالٍ باوّل الليل مذبوح كفّ الغدر ناله وصابت مراميه ........................حسبي على اللي صار للشيخ ذابوح لوا عنا قلبي من اللي وقع فيه ................................. حزنٍ عظيمٍ بالمعاليق له فوح كود العوض بالحرّ من هو يشاديه ......................... ومن هو بداله للصّعيبات ناطوح ومن هو سند لي لادهتني بلاويه ......................ومن هو ذراي ان هبّ للوقت لافوح يالله طلبتك ياعليمٍ بخافيه ...........................تكتب له الغفران في صادق اللوح وتجعل جنانك يالهي مثاويه ............................ في جاهك ارحم ميّت الغدر باضروح الـــــجــــنـــازه بالله ابدي يامن اصدقنا الوعايد = ياكريمٍ وان عطى مابه ردايد ياغفورٍ لك كفوف الخلق كلّه = ترتجي عفوك وتطلبك الرّشايد احمنا عن كل غدّارٍ وخاين = عبدك بما فيه يرجيك الوعايد ياالهي من عليه الظلم(جاني) = في حماك بقبره اللبنه وسايد عزوتي تاجي بغدرٍ راح عمره = راح صيّادٍ وجاه الموت صايد العقيد الضيغمي ولد الجنايز = العديم الصيرمي زين العوايد الكريم الجزل وان مدّت يمينه = مايمدّ الا سميناتٍ شدايد انبذر جرحه وسلّ الحال موته = والبسن ثوب الحزن وارهى اللهايد حسبه الله من ذبح شيخ الطنايا = يالله انك تجعل احزانه عدايد لعن ابو حيّه ومن له من دنيّه = ايتم لشمّر صدوقين الردايد الكرم يبكيه واسلوم النشاما = والجبل والقاع واشيوخ وبدايد وقصر ابوه وجده بحايل ينوحه = والسمر واخشوم اجا جته النكايد كلها تنعي طلال الحر الاشقر = وتطلب الغفران من راع المدايد من يعوّضنا بنجمٍ طاح هاوي = ماوقع ماينهضه رفع وسنايد ولو يفيد الدمع والعالم بسرّه = لاقضي ايامي ودمع العين جايد ولو يعوّض سقت روحي فدوةٍ له = ومن لي من الحيين سقناهم وكايد لكن الاقدار ماعنها تخفّي = ماكتب ينفذ ولا عنّه محايد العزا عبد العزيز العضد الايمن = ضيغميٍ ماتعرّض للنقايد والعزا عقبه بشبلينٍ كواسر = حدّرو من صلب عواق الضدايد من طلال الصيرمي عذب السجايا = العقيد الجزل حلال العقايد الفريد اللي ولو طاوعت قافي = كان قلنا به عظيمات القصايد يالهي والرجى بك نلتجي له = ارحم اللي راح ماعاده بعايد نــــوارة شــــمــــــر اسعد الاخبار التي سمعتها في حياتي../.. فقد بلغني ان احد اكبر المشايخ في المملكه رأى رؤيا بأن الفقيد الحبيب والغالي : طلال العبدالعزيز في ابهى حلله وانه في راحه من هذه الدنيا الدانيه../. .ورؤيا الصالحين صادقه باذن الله سبحانه وتعالى ..!! كنت قد قطعت على نفسي ان ارثيك الى ان اجاورك ياابانواف امّا الآن../..فأزف هذه الرؤيا/البشرى لكل محب لطلال ../.. وجمعنا الله بك ياابا نواف في الفردوس الاعلى: بعد اسم الله الرحمن الرحيم جل شأنه: جاني خبر ماهو مثل كل الاخبار ........................من فرحتي سميته (ابو البشاير)..!! رؤيا..ورؤيا صالح ٍ ضمن الاخيار .............................شيخ ٍ وربّي عالم ٍ بالسراير قال ابشروا لو كان قصّاف الأعمار ...........................خذا عظيم ٍ في بلاد الجزاير جاني بمنامي ساطع ٍ مثل الأقمار ...............................شفته ولبسه ابيض من الحراير قلت انت منهو قال انا واحد ٍ صار ...............................موته حياة ودايم الوقت داير انا طلال الضيغمي نسل الاحرار .............................صلّيت فرضي واجتنبت الكباير تكفى تبشّر من لها كنت انا بار ...........................قلّه تكفّ دموعها والعباير قلّه ضناك بموتته شاف مقدار .............................مقدار طيبه بين كل العشاير وقلّه لقيت بموتتي خير وانهار ..............................مرتاح رابح ماعرفت الخساير والشيخ مثلك لارأى شاف الاسرار ................................يجيه من غيب المقادير زاير رؤياك صدق بقدرة النافع الضار ................................والاّ القدر غصب ٍ على الكل صاير مرحوم ياللي يكرم الضيف والجار ......................... طبع الزمن دايم على الطيب جاير الله يجيرك من لهب صالي النار ..............................في عدن ماتلقى لهيب وسعاير وانته بعد ياشيخ تفداك الاشعار .....................ويفداك من همّه قصور وعماير رؤياك هذي غيييييييير عن كل الاخبار ..........................هذي بشاره غيييييييير كل البشاير..!! حمد الضوَي يالله إنك تحفظ الأفئده والعيون .....................قبل هذي تذوب وقبل هذي تسيل وش تشيل الصدور وش تشيل المتون ........................ما تحمل معاناه المصاب الجليل ثالث العيد وأول حزن وأول طعون ............................بين صدري وصدري كل جرح نزيل إن جلست اتنهد وإن وقفت محزون .........................وش نخلي من آهات الزمن وش نشيل غاب وجه ٍ حضوره باعتقادي قرون .............................يختفي ذكر هاك الضيغمي مستحيل ما يجي لو غياب الكون كله يجون ................................غايب بالعيون وحاضرٍ بالدليل وجهٍ أصدق من الواقع بوجه الضنون ................................وجهٍ أطهر من الماء الصافي السلسبيل يا طلال انت انا أعرفك كريمٍ حنون .........................ياطلال انت أنا أخبرك جوادٍ أصيل لو عرفت بغيابك وش جرى وش يكون ........................كان ما تاخذ الفرحه وحزنك بديل كان ما تعطي الناس الغلا والجفون ...............................كان تبقى ولو مره عليهم بخيل انت دايم على قلوب النشامى تمون .........................يا ملا الخلد يا وجهٍ مثيله قليل زيد ما حاط ابو خالد بعلمٍ يهون .......................ليتني ما تلقيت النبأ والحصيل ليلٍ أسود بعيوني منه كل لون .........................عشت مع زيد هاك الليل .. ليلٍ طويل قلت ابنشدك عن حاله وأنا الحال دون .......................قال يمكن جريح وقال يمكن قتيل كل قلبٍ يخاف الله عليه مغبون ..........................كن عيني تشوفه يوم جسمه يميل عل قبرك يابن متعب لحافه مزون ..........................كل ما ذعذع الوسمي نصاه المخيل وش فقدنا فقدنا الشيخ درع المتون ..........................يالله المستعان ومنك صبرٍ جميل هذه القصيدة للشاعر / عواد بن طواله يرثي الأمير الشاعر / طلال عبد العزيز الرشيد ألايالله يـاربـي رجيـتـك يارفـيـع الـشـان ................إلــهٍ كلـنـا نخـطـي لـيـا ضـاقـت لجـيـنـا لـــه سألتك يالولي يامكوّن الدنيـا بـدون أعـوان .....................طلبتـك ياكريـمٍ ثبّـت جبالـه علـى سهالـه إلـهٍ كلنـا تحتـه سـواءً إنـس وإلاّ جـان .........................ولاقِـد خـاب مـن يطلـب رجـاه ويرجـي ظـلالـه طلبتك ترحم العبد الضعيف مكرّم الضيفان .........................طلال الضيغمي يارب وإنت أدرى عن أفعاله كريمٍ وإنت ياربي تحب اللي يَهِب بإحسان ..................صدوقٍ وإنت ياربي تحب الصدق بأشكاله رحمـك الله ياذيـبٍ وقـع مـن رمـيـة الـخـوّان .......................رحـمـك الله ياشـيـخٍ فقـدنـاه وبكيـنـا لــه رحلت وباقيٍ فينا شموخٍ يرثي القيفان ........................رحلـت ولابقـى شـيٍّ مـن الدنيـا علـى حالـه فايز الثويني . , عزاااه الشمس غابت ابو نواف عقب فرقاك .................. واصـبــح الـكــون كـمــا شـــوف الـضـريـر عـزاه جــاااااااك غــدرة بالـبـزاري بـغـاااك ...................... متعودين الغـدر معدوميـن الحيـاء و الظميـر عـــزاه طـفــل الـمـهــد بـدمـوعــه طــــراك ............................عـبـرتــه كــمــا نـحـيــب انــثــى الـمـغـيــر عـزاه قصـيـدي مــن حـرقـا المعـانـي بـكـاك ............................ وقـافـي تـزلــزل مـعـانـي الـشـعـر وتـضـيـر عــزاة بـكـى القصـيـد بـكـى الشـعـر يـرثـاك .............................. ويـرثـي شـعـور واحـسـاس شـعـار المـريـر عــــزاه دمــعــي عــلــى طــــول ذكـــــراك ........................... وقـصـيـدي رثـــاك عـلــى طـــول المـسـيـر عــزاه خانتـنـي المـعـانـي لـذكــرى غـــلاك ....................... والـقــاف تـاقــف تـــردد تـحـايــا وتـكـبـيـر عــــزاه مــنــوت الـمـظـيـوم الــيــا جـــــاك .....................جـــاه مطـلـوبـة وملـبـسـه ثــــوب حــريــر عـــزاه قـصــر بــــرزان يـبـكــي لــذكــراك .................... بذكـرى قصـيـدك كــان مــا جــااااك النـذيـر عــزه القـلـم عانـدنـي ببـاقـي صـفـااااااااااك .................... رحـمــة الله عـلـيـك يــــا شــيــخ و أمــيــر الـــشـــاعــــر اســـــيـــــر الـــصــــمــــت   هذة القصيدة كتبها الشاعر محمد عويضة يرثي بها فقيدنا """ طلال الرشيد"""" يا حفار القبور أسألك بالله احفر بصدري احن ابن الكرام من التراب يضم جثمانه دخيلك نزله بين الضلوع العوج..او تدري تعال نمدده بالقلب جايز تركد احزانه وربي مافجعني يوم علم ولا كسر ظهري مثل علم الشجاع اللي توفى خارج اوطانه وقفت اتامل الدنيا بدونه واكل بظفري شعرت بوقتها كن الخفوق يعض شريانه طلال يموت ....لاوالله احس العلم تهذري طلال الشامخ الشاهق يموت ..الناس حلمانه شقول لعيني ان شافت فواصل هاه ؟وش عذري وقالت فاصلة بيضاء محمد مالها خانة وش اتعذر واقول لمسمعي لو سيرته تطري ؟ وش اتعذر اذا سمعي حضن نبرات ديوانه؟ ياكيف انسى كلامه يوم جيته شايل شعري سمع مني وصفق لي وقال بعظمة لسانة (لو ادري انك بتتعنا لنا جيناك من بدري فواصل بيتك وعلق قصيدك فوق جدرانه ) رفع من معنوياتي وخلا الدم بي يجري بعد ما كنت يائس والمشاعر جد ضميانه كتبت وصرت انافس كل شاعر من بني عصري واذا الملتاع راهن شيء عادي يكسب رهانه انا الملتاع والله من فقدته والالم حصري مثل طفل يتيم فوق ضيمة جاروا اخوانه وش اذكر من صفاته فارس وفيه الكرم فطري يمد ويصبح الطائي صبي من ضمن صبيانه هدوئه يشعرك بان الكلام بحضرته مغري كلامه يشعرك بان الهدوء ان طال له شانه الا منه استقام طويق وان تكى هرم مصري بعمره ما ظلم انسان والا زعل انسانه ولكن حكمة الله قد قضت في امره وامري قضاه يموت واتحسر بامر الله سبحانه دخيل الله ياحفار القبور تحطه بصدري انا اولا فيه خلصني ترا الاخلاق تعبانه